Na Mwandishi Wetu,Dar es Salaam
MAMLAKA ya Udhibiti wa Manunuzi ya Umma (PPRA) imesema imeanza kufanya kazi kwa mujibu wa sheria mpya ya manunuzi ambapo pamoja na mambo mengine inaelekeza kuhakikisha zabuni zote zilizo chini ya Sh Bilioni 50 zitolewa kwa wazawa.
Kauli hiyo imetolewa na Mkurugenzi wa Utafiti, Maendeleo na Ubunifu wa PPRA, Masunya Nashon kwenye Maonesho ya Biashara ya Kimataifa 48 ya Dar es Salaam.
Alisema tangu Oktoba Mosi 2023 sheria mpya ya manunuzi namba 10 ya mwaka 2023 na vifungu vyake kwa mujibu wa tangazo la serikali namba 518 la Juni 2024 ilianza kutumika jambo ambalo limeongeza wigo wa wananchi wa maeneo hayo.
Aliitaja sheria mpya ya Mfumo wa Taifa wa Ununuzi wa Kielektroniki Tanzania (NEST) ambao ni mfumo wa kielektroniki unaorahisisha usajili wa kielektroniki, ukopeshaji, usimamizi wa mikataba ya kielektroniki, katalogi ya malipo ya kielektroniki, na mnada wa kielektroniki.
Alisema mifumo hiyo inakuza uwazi, kupunguza rushwa na kuongeza uwajibikaji kwa sababu kila kitu kinafanyika kwenye mifumo.
“Sheria mpya vifungu vya 56 hadi 64 vimetoa upendeleo kwa wenyeji wakiwemo vijana, wazee na watu wenye mahitaji maalum,” alisema. Alisema kwa vikundi hivyo, sheria inaelekeza kutengwa kwa asilimia 30 ya bajeti ili kuwezesha vikundi hivyo kushiriki katika zabuni za serikali.
Amesema sheria mpya inapendelea wafanyabiashara binafsi au makampuni ya kiasili. “Serikali imeongeza wigo ambapo kwa sasa zabuni zote za Sh milioni 50 lazima ziende kwa wazawa,” alisema.
Ameongeza kuwa sheria mpya inatoa upendeleo kwa bidhaa na malighafi zinazozalishwa nchini.
Amesema kwa sasa wanazijengea uwezo taasisi za manunuzi kupitia sheria mpya na kanuni mpya na NEST.
Amesema mafunzo yanaendelea katika mikoa ya Mbeya, Iringa na Mwanza kwa wafanyabiashara na vikundi maalum vinavyofikia angalau 427 kwa fursa hizo.
Amesema pia kuna fursa nyingi za biashara ya bidhaa, ujuzi, na ujenzi wa miundombinu, miongoni mwa mengine. Kulingana na yeye, fursa lazima zitangazwe kwenye mifumo, na ili mtu afaidike, mtu au kikundi lazima kisajiliwe kwenye mifumo na mstari wa biashara.
Aidha amesema mpaka sasa taasisi zilizojiandikisha kwenye mifumo hiyo ni 1147 zenye vikundi vya wazabuni 22,000 na wanaendelea kujiandikisha zaidi ili kuongeza ushindani.
“Ili kufaidika na fursa hiyo, watu au vikundi lazima vijiandikishe katika mifumo,” amesema.
