Na Aziza MAsoud,Dar es Salaam
SERIKALI inatarajia kutumia Sh Bilioni 600 kwa ajili ya kugharamia miradi mitatu itakayoboresha huduma ya usafirishaji wa majini mkoani Kigoma na maeneo yanayozunguka.
Akizungumza wakati wa kufungua mkutano wa pili wa kimataifa was lojistiki na Uchukuzi,Waziri wa Uchukuzi Profesa Makamu Mbarawa amesema miradi hiyo ni pamoja na ujenzi wa kiwanda cha meli,ujenzi wa meli ya mizigo pamoja na ujenzi wa meli ya kisasa ya abiria inayotarajiwa kufanya safari zake katika ziwa Tanganyika pamoja Ziwa Victoria.
“Bandari ya Kigoma ni bandari muhimu kwa sababu kwenye ziwa Tanganyika tunapatkana na DRC na kule kuna madini,Kigoma ni karibu sana na Congo,kutakana na hilo serikali tukaona tuweke nguvu zakutosha kuhakikisha tunatumia bandari ya Kigoma ipasavyo kujenga vyombo vya kisasa,”amesema Mbarawa.
Amesema kiwanda cha meli kinategemewa kujenga meli za kisasa huku ujenzi wa meli ya kisasa ya abiria inatarajiwa kubeba kati ya abiria 600 mpaka 900 wakati meli ya mizigo inatarajiwa kubeba tani 3000 ambapo itakuwa pia na njia za magari kwa mfumo wa mlango kwa mlango.
“Miradi hii yote ambayo itaanza hivi karibuni itagharimu Sh Bilioni 600 ambapo itaboresha suala usafirishaji katika bandari ya Kigoma,”amesema Profesa Mbarawa.
Amesema kuna maendeleo mbalimbali yanaenda kwa kasi kubwa,usafiri wa reli na majini.
“Haya ni mambo ya kawaida,kitu kikubwa zaidi kwa maendelo ya ziwa kujenga kwanza meli ambayo itakuwa na uwezo wakuhudumia watu,kukamilika kwa ujenzi huu wa meli kutaleta ajira kufungua sekta ya usafirishaji,kuleta ajira na kukuza uchumi,”amesema Profesa Mbarawa.
Mwenyekiti wa Bodi ya Wakurugenzi wa Chuo Cha Usafirishaji (NIT) Profesa Ulingeta Mbamba amesema serikali imeandaa mkutano huo kwa ajili ya kuwakutanisha wataalam wajadili kwakiasi gani nchi inaweza kupiga hatua kwakufanya tafiti mbalimbali zakisafirishaji.
“Bila utafiti hakuna suluhisho ambalo linapatikana kupitia chuo chetu tumekuwa tukitoa masuluhisho mbalimbali,”amesema Profesa Mbamba.
Kwa upande wa Mkuu wa Chuo cha NIT Dk.Prosper Mgaya amesema kongamano hilo la siku mbili litajadili mbalimbali kuna mawasilisho ambayo yataletwa na watu wa taalum na mengine yataletwa na wataalam wa usafirishaji.
“Lengo la kongamano hili tutoe mawazo ya kitaalam katika kuondoa katika mambo mbalimbali mfano waziri ameleeza pale kuhusu msongamano katika jiji la Dar es Salaam,”amesema.
Mwisho
