Aziza Masoud,Dar es Salaam
ZAIDI ya watu 800 wamefika katika banda la Taasisi ya Moyo ya Jakaya Kikwete (JKCI) kwa ajili ya kupima matatizo mbalimbali ikiwemo moyo,sukari na tiba lishe.
Akizungumza katika maonesho ya 48 ya Biashara ya Kimataifa maarufu kama Sabasaba,Daktari wa Moyo wa JKCIA Dk.Marsia Tillya amesema mpaka juzi Jumamosi banda hilo limeshapima wananchi wapatao 883 ambapo kati ya hao watu 196 walikutwa na tatizo la moyo kufanya kazi.
“Tunafanya vipimo na kuwaona watu tofauti tofauti ,watu wapatao 800 tumewaona,asilimia kubwa wanapewa elimu ya moyo na lishe,pia kuna wagonjwa milango ya moyo ambao tumewapa rufaa ya kwenda JKCI,”amesema Dk.Tillya.
Amesema mlango wa moyo unatokana sababu mbalimbali ikiwemo homa pia watu wanavyozidi kuishi kunakuwa na mabadiliko mbalimbali yanayodababisha mlango wa moyo.
“Kwenye milango ya moyo wengi wameanzia na tatizo utotoni,kwa sababu yakushindwa kuangalia afya mara kwa mara unakuta mtu anakuja kugundua ukubwani,”amesema Dk.Tillya.
Amesema kwa upande wa watu wenye kisukari wanawapa ushauri na elimi ya namna yakuishi na ugonjwa huo na wengine wanaelekezwa kwenda kwenye kliniki.
Kwa upande wa Mkuu wa Kitengo cha Uhusiano na Mawasiliano JKCI Anna Nkinda amesema taasisi inashiriki katika maonesho ikiwa na maabara iliyokidho vigezo vya kimataifa hivyo wanafanya shughuli mbalimbali ikiwemo kufanya vipimo vya damu.
“Wanaangalia jinsi moyo unavyofanya kazi,mfumo wa umeme wa moyo,ushauri wa lishe,vipimo vya sukari,kati ta wagonjwa 800 waliofika hapa mpaka Jumamosi,wagonjwa 212 wamekutwa na umeme wa moyo,
“196 wamekutwa na tatizo la moyo kufanya kazi huku watu 61 wamekutwa na matatizo mbalimbali ya moyo yanayohitaji kutibiwa kibingwa na wameshapatiwa rufaa ya kwenda JKCI,”amesema Nkinda.
Amesema wameweka huduma kwa bei ndogo katika viwanja vya Sabasaba ambapo ni nusu ya huduma halisi.
Amesema JKCI pia imeanza kutoa huduma mpya za tiba mtandao na huduma ya kufuatilia maendeleo ya mgonjwa anayetibiwa akiwa nyumbani kwa kutumia kifaa kijulikanacho kwa jina la DOZEE katika viwanja hivyo.
Mwisho
