Na Mwandishi Wetu,Dar es Salaam
TAASISI ya Tiba ya Mifupa na Ubongo Muhimbili (MOI) imesema zaidi ya wanachi 1,200 wamepata huduma katika banda la taasisi hiyo lililopo katika viwanja vya maonesho 48 ya biashara ya kimataifa maarufu kama Sabasaba.
Akizungumza leo Julai 8 katika viwanja hivyo,Mkurugenzi wa Utawala na Rasilimali Watu Orest Mushi amesema hali ya utoaji huduma za MOI kwa wananchi ni nzuri, ambapo zaidi ya wananchi 1,200 wamepata huduma katika banda la taasisi hiyo.
“Leo tumekuja katika banda letu la MOI hapa Sabasaba kwaajili ya kujionea huduma zetu tunazotoa kwa wananchi wetu, banda letu linatoa huduma za kibingwa za mifupa, ubongo, mgongo na mishipa ya fahamu kwa wananchi ambapo mpaka sasa zaidi ya wagonjwa 1,200 wameshaonwa na kuchunguzwa pia zaidi ya wagonjwa 300 wamepewa rufaa ya kuja MOI ili wapate matibabu zaidi.” amesema Mushi
Ametoa wito kwa wananchi kuendelea kufika banda la MOI ili kupata ushauri bure juu ya lishe bora, vipimo mbalimbali vya magonjwa ya mifupa, ubongo na mgongo pamoja na viungo bandia.
Amesema menejimenti ameridhishwa na hali ya utoaji wa huduma ya ushauri na elimu ya matibabu ya mifupa, ubongo, mgongo na mishipa ya fahamu katika banda la MOI kwenye maonesho 48 ya biashara ya kimataifa ya Sabasaba.
Ametoa wito kwa wananchi kuendelea kufika banda la MOI ili kupata ushauri bure juu ya lishe bora, vipimo mbalimbali vya magonjwa ya mifupa, ubongo na mgongo pamoja na viungo bandia.
Naye, Mkurugenzi wa huduma za uuguzi wa MOI, Fidelis Minja amesema Taasisi ya MOI imejipanga vizuri kuwapokea wagonjwa wote waliopewa rufaa ya kwenda kupata matibabu katika taasisi hiyo.
